Ambasadorja shqiptare në Greqi Luela Hajdaraga ka reaguar në lidhje me akuzat e mediave greke se vrasësit e 20-vjeçares Caroline Crouch. Në një bisedë në “Radarin Informativ” në Abc News, Hajdaraga tha se ky rst tashmë konsiderohet i mbyllur duke qenë se autori real është zbuluar. Ajo bëri thirrje që mediat të jenë të kujdesshme që të mos jenë ata që e thonë fjalën e parë. Sipas Hajdaragës, mesazhi që vjen nga ky rast është që të mos bëhemi paragjykues e të mos kultivojmë urrejtjen .
Së pari ky rast konsiderohet i mbyllur pasi organet e kanë zbuluar autorin real të krimit. Deri në zbardhjen e hetimit ka pasur disa pista që kanë krijuar aludime për grupe dhe shtetas të kombësive të ndryshme përfshirë edhe shqiptarë. Mediat duhet të jenë të kujdesshme për të mos qenë ata që thonë fjalën e parë.
Mesazhi më i rëndësishëm që vjen nga ky rast është që të mos bëhemi paragjykues dhe të kultivojmë urrejtjen por të bashkëjetojmë pozitivisht duke i lënë të bëjnë punën e tyre organet kompetente që në këtë rast kanë punuar intensivisht deri në përfundimin e ngjarjes”, tha Hajdaraga.
E pyetur nëse kjo ngjarje tregoi paragjykimet që kanë grekët për shqiptarët, ajo tha se pasi u zbulua e vërteta, reagimi ka qenë edhe më pozitiv.
“Kur lajme të tilla përgënjeshtrohen dhe kur e vërteta zbulohet të jetë krejt ndryshe, atëherë ka dhe një reagim akoma më pozitiv kundrejt një target grupi të caktuar”, u shpreh Hajdaraga.
