Që prej fushatës elektorale, pati pretendime në PD se aleatë të caktuar u privilegjuan dhe morën vende të pamerituara në lista. Deputeti i Partisë Demokratike, Belind Këlliçi ka folur për herë të parë lidhur me zgjedhjet që u zhvilluan. Ai është shprehur se nëse PD do të dilte në fushatë pa aleatët por me kandidatë që do të ishin anëtarë të partisë, do të merrte më shumë vota. Në një intervistë për Report Tv, Këlliçi rrëzoi akuzën se aleatët nuk kanë qenë të privilegjuar.
“Ne duhet të shkojmë para anëtarëve tonë për të dhënë llogari dhe për të bërë një analizë të vërtetë secili duhet të mbajë përgjegjësi për rezultatin dhe e gjitha kjo do të bëhet për rritjen e performancës dhe jo për prerje kokash.
Mendoj se aleatët nuk janë lënë menjëanë, kanë qenë të privilegjuarit nga ana e PD. Nëse do kishin pasur në disa vende të caktuara kandidatë të PD, do të kishin pasur një performancë shumë herë më të lartë. Procesit të analizës nuk duhet t’i nënshtrohen vetëm drejtuesit e PD-së, por edhe aleatët dhe çfarë kontributi kanë dhënë.’- tha Këlliçi.
Që prej fushatës elektorale, pati pretendime në PD se aleatë të caktuar u privilegjuan dhe morën vende të pamerituara në lista. Vangjel Dule ishte një nga emrat më të sulmuar nga brenda PD, dhe e deklaroi edhe publikisht që ishte sulmuar nga partia ku u bashkua për fushatë. A do të ketë krisje edhe në shtator? Mbetet për t’u parë, por deklarata e Këlliçit flet qartë se në koalicionin opozitar PD-AN, tashmë letrat janë hapur.
