Kampionati Europian i 2020 nuk ka filluar në mënyrën e tij më të mirë. Kujtojmë se ditën e djeshme mesfushori Christian Eriksien, pësoi atak kardiak në fushë dhe për këtë arsye u pezullua edhe ndeshja për të rifilluar sërish më vonë. Një tjetër incident ka ndodhur ditën e sotme në sfidën midis Anglisë dhe Kroacisë e cila u luajt në stadiumin Wembley. Mediat e huaja raportojnë se një tifoz ka rënë nga tribuna, pra nga lartësia brenda stadiumit dhe ndodhet në gjendje kritike për jetën.
Dëshmitarët e tmerruan rrëfyen ngjarjen për gazetën angleze ‘’Standard.uk’’ duke u shprehur se tifozi ra nga një lartësi e konsiderueshme dhe ishte pa ndjenja deri në momentin që ambulanca mbërriti dhe e dërgoi në spital. Lajmi e konfirmoi dhe vetë zëdhënësi i stadiumit të Uemblit i cili u shpreh:
”Ne mund të konfirmojmë që një spektator ra nga tribuna para fillimit të ndeshjes midis Anglisë dhe Kroacisë në stadiumin Wembley.
Tfiozit iu dha kujdes mjekësor dhe më pas u dërgua në spital në gjendje të rëndë. Ne do të vazhdojmë të punojmë me UEFA për t’u siguruar që çështja të hetohet plotësisht’’, u shpreh zëdhënësi i stadiumit.
Kujtojmë se vetëm një ditë më parë Kristian Eriksen humbi ndjenjat pas një arresti kardiak në fushë. Skena të tmerrshme u përjetuan në sfidën Danimarkë-Finlandë, por mesfushori arriti të shpëtojë dhe ndodhet në gjendje të stabilizuar.
