Pas vendimit të Kolegjit Zgjedhor, ditën e sotme rrëzoi ankimimin e opozitës për zgjedhjet e 25 prillit në Qarkun e Tiranës. Me anë të një postimi në rrjetet sociale ka reaguar edhe nënkryetari i PD-së, Edi Paloka i cili ka dalë kundër këtij vendimi të marrë nga Kolegji Zgjedhor. Paloka shkruan se të mohosh masakrën dhe manipulimin zgjedhor të 25 prillit, jo vetëm mohon të vërtetën, por edhe mundin e sakfiricat e demokratëve, që u përkushtuan me gjithçka në këtë proces.Ai ka vazhduar më tej duke thënë se me apo pa vetëdije nuk ka shërbim më të mirë se mund ti bësh Ramës në këto momente. Paloka thotë se çdo demokrat që do e pranonte diçka të tillë do të tradhtonte veten dhe ata që shpresën për largimin e të keqes e kanë te PD.
“Te mohosh masakren, manipulimin e procesit te zgjedhjeve te 25 prillit , pavarsisht se nga cilat interesa , motive apo detyrime nisesh , jo vetem po mohon te verteten por je duke mohuar dhe gjithe mundin e sakrificat e demokrateve qe u perkushtuan me gjitheshka ne kete proces ! Me vetedije apo pa vetedije, sherbim me te mire nuk mund ti besh Rames ne kete moment. Cdo demokrat qe do ta pranonte nje gje te tille, do te tradhetonte veten dhe te gjithe ata qe shpresen per largimin e te keqes e kane tek PD!”, shkruan në rrjetet sociale Edi Paloka.
