Qeveria dhe Ministria e Arsimit ka publikuar ditën e sotme një thirrje që iu drejtohet përfaqësuesve të botës akademike, brenda apo jashtë vendit për të kontribuar në arsimin e lartë përmes Bordit të Akreditimit të Agjencisë së Sigurimit së Cilësisë në Arsimin e Lartë (#ASCAL).
“Thirrje e hapur për të gjithë ata përfaqësues të botës akademike, brenda apo jashtë vendit, për të aplikuar dhe dhënë kontribut si Drejtor i Përgjithshëm apo një prej 11 Anëtarëve të Bordit të Akreditimit të Agjencisë së Sigurimit së Cilësisë në Arsimin e Lartë (#ASCAL)”, shkruan kryeministri Edi Rama bashkangjitur videos së ministres së Arsimit Evis Kushi e cila dha detajet.
Ndërsa ministrja Kushi tha se i hapim dyert e universiteteve tona për një bashkëpunim të ngushtë me universitetet më prestigjoze evropiane të cilat do të mund të krijojnë kushtet më të mira për studentët.
“Ne synojmë të hapim dyert e universiteteve tona për bashkëpunim të ngushtë me universitetet më prestigjioze evropiane e të krijojmë kushtet e nevojshme që studentet tanë të mund të marrin në të ardhmen diploma evropiane këtu, në Shqipëri.
E në këtë mënyrë ti pajisim ata me dije e aftësi të konkurrueshme me studentët e BE.
Për të arritur këto është e domosdoshme që të kemi njerëz profesionistë për të bërë më të mirën në cdo hallkë të sistemit tonë arismor”, u shpreh ministrja Kushi.
Sipas saj, afati i aplikimit është deri më 30 qershor, 2021.
Ndërsa kriteret e aplikimit ndodhen në linkun e mëposhtëm: https://arsimi.gov.al/thirrje-per-anetare-ne-bordin-e…/
KAS rrëzon ankimimin e PD për zgjedhjet në Korçë, Lezhë dhe Gjirokastër
Komisioni i Ankimimeve dhe Sanksioneve ka hedhur poshtë, me shumicë votash, kërkesat ankimore të paraqitura nga Koalicioni PD-ASHM lidhur me...
