Xhelal Mziu, drejtuesi politik i Partisë Demokratike për qarkun e Dibrës në zgjedhjet e 25 prillit, ka shprehur hapur mbështetjen e tij për Lulëzim Bashën në garën për postin e kryetarit të së djathtës. Me anë të një postimi në rrjetet sociale se betejën kundër atij që e cilësojnë regjim kriminal nuk po e bëjnë për veten e tyre, por për shqiptarët.Gjithashtu ai ka falenderuar edhe të gjithë mbështetësit dhe bashkëqytetarët e Dibrës.
“Pritje madhështore z. Lulzim Basha nga demokratët e Dibrës! Falenderoj me mirënjohje bashkëqytetarët e mi Dibranë për mbështetjen e jashtëzakonshme! Kurrë nuk do dorëzohemi përpara këtij regjimi kriminal në tjetërsimin e votave por jo vetëm, sepse betejën për ndryshim nuk e nisëm për veten tonë dhe nuk do e vazhdojmë për veten tonë.
Atë e bëjmë për njerëzit, sepse fati i Shqipërisë varet sot nga ne. Të bashkuar do ta fitojmë betejën, për gjithë shqiptarët” shkruan ai.
Në garë për postin e kryetarit të PD-së janë Lulzim Basha, Fatbardh Kadilli, Agron Shehaj dhe Edith Harxhi.
Kujtojmë se kryetari aktual i Partisë Demokratike, Lulzim Basha ka vazhduar ditën e sotme turin me takimin e strukturave të PD-së në qytetin e Kukësit, në kuadër të zgjedhjeve të kryetarit të ri. Në fjalën e tij nga ky qytet Basha e ka vënë theksin tek zgjedhjet e 25 prillit, që sipas tij nuk është dita e fundit e betejës, por sipas tij është ndalja e dhunshme e përkohshme e ndryshimit që shqiptarët e deshën dhe e votuan.
