Një aksident ka ndodhur pak më parë gjatë ditës së sotme, tek ish-Misto Mame në Tiranë. Ngjarja ka ndodhur rreth orës 17:10, kur shtetasi Sh.T, ka humbur kontrollin e mjetit që drejtonte dhe ka dalë jashtë rruge. Si pasojë ai ka aksidentuar dy këmbësore, njëra 23 vjeçe dhe tjetra 60 vjeçe, të cilat ndodhen në spital jashtë rrezikut për jetën.
Ndërkohë një incident tjetër ka ndodhur pranë Kopshtit Botanik në kryeqytet. Një makinë është përfshirë nga flakët teksa ishte në lëvizje sipasojë e një defekti Teknik. Fatmirësisht nuk ka pasur njerëz të lënduar dhe dëmet kanë qenë vetëm materiale. Aktualisht grupi hetimor është duke vijuar punën për zbardhjen e plotë të rrethanave të dy ngjarjeve.
Njoftimi i policisë:
Tiranë/ Informacione paraprake
Rreth orës 17:00, pranë Kopështit Botanik,dyshohet se si pasojë e një difekti teknik ka marrë flakë në lëvizje mjeti në pronësi të shtetasi D.D, ku ka vetëm dëme materiale.
Rreth orës 17:10, në ish Misto-Mame, shtetasi Sh. T., 56 vjeç, ka humbur kontrollin e mjetit duke dalë jashtë rruge. Si pasojë ka aksidentuar dy këmbësore shtetasit L. K., 23 vjeçe dhe D. D., 60 vjeç, të cilët ndodhen në spital, jashtë rrezikut për jetën.
Vijon puna nga Grupi Hetimor për sqarimin e plotë e rrethanave të ngjarjes.
