Kandidati për kryetar të Partisë Demokratike, Fatbardh Kadilli, do të nisë sot turin e takimeve me anëtarët e PD-së nëpër Shqipëri. Ai shprehet se ka zgjedhur ta fillojë këtë tur nga Berati, ku thekson se ka përvojat më të mira politike.
Kadilli thekson se ka besuar gjithmonë se sa më të forta janë sfidat, aq më i madh është motivimi dhe angazhimi, si dhe i ka ftuar të gjithë beratasit të bisedojnë së bashku për një projekt të ri politik.
“Sot nis turin e takimeve me anetarët e PD në Shqipëri. Zgjodha ta filloj këtë tur nga Berati, qarku ku kam një nga pervojat më të mira politike në aktivitetin tim të gjatë. Gjithnjë kam besuar se sa më të forta të jenë sfidat aq më i madh është motivimi dhe angazhimi.
Miq beratas ejani të bisedojmë së bashku për një Projekt të ri, me një Manifest të ri Politik me Sytë nga e Ardhmja Takimet janë: Berat, ora 17:30, Biblioteka e Qytetit. Kucovë/ Ura Vajgurore, Ora 19:00, Hotel Familjari”, shkruan Kadilli.
Kadilli është një prej katër kandidatëve për kreun e PD-së, ku përballë do të ketë Lulzim Bashën, Edit Harxhi dhe Agron Shehajn. Zgjedhjet për kryeatrin e ri të Partisë Demokratike do të mbahen me datë 13 qershor.
