Sekretari i Shtetit, Antony Blinken, njoftoi të martën planet për të rihapur një zyrë të rëndësishme diplomatike për palestinezët dhe premtoi rreth 40 milionë dollarë ndihmë për të forcuar qeverinë palestineze.
Në vizitën e tij të parë zyrtare, Blinken u takua me udhëheqësit izraelitë dhe palestinezë, me synimin për të forcuar armëpushimin e javës së kaluar, që u dha fund 11 ditëve luftime midis Izraelit dhe militantëve të Hamasit, në Rripin e Gazës.
“Siç i thashë presidentit Biden, unë jam këtu për të nënvizuar angazhimin e Shteteve të Bashkuara për të rindërtuar marrëdhëniet me autoritetin palestinez dhe popullin palestinez, një marrëdhënie e ndërtuar mbi respektin e ndërsjellë dhe gjithashtu një bindje të përbashkët se palestinezët dhe izraelitët meritojnë të barabartë masa të sigurisë, mundësisë së lirisë dhe dinjitetit”, tha Blinken ai pas një takimi me presidentin e Palestinës, Mahmoud Abbas.
Thank you to my Israeli and Palestinian hosts for our constructive discussions. Our intensive diplomacy continues to build a future where Palestinians and Israelis enjoy equal measures of security, freedom, prosperity, and democracy. pic.twitter.com/x4FogZEKnk
— Secretary Antony Blinken (@SecBlinken) May 26, 2021
Blinken nuk dha një datë të caktuar për nisjen e rimëkëmbjes dhe ndërtimit të vendit pas luftës, por tha se Michael Ratney, një diplomat i vjetër i SHBA-së, i cili ka shërbyer më parë si konsull i përgjithshëm në Jeruzalem, do të rikthehet sërish dhe do të jetë i gatshëm të ndihmojë për çdo gjë.
Blinken gjithashtu njoftoi rreth 38.5 milionë dollarë ndihmë shtesë për palestinezët. Në total, administrata e Biden ka premtuar 360 milionë dollarë për palestinezët, por vetë presidenti Biden, ende nuk ka folur personalisht për këtë çështje, edhe pse shumë delegatë e pjesëtarë të fushatës, i kanë kërkuar ta zgjidhë sa më parë këtë problem. Duket se Biden ka caktuar Sekretarin e Shtetit, Antony Blinken, për t’i dhënë zgjidhje kësaj situate të tensionuar.
Në fotot dhe në videot më poshtë, do të shikoni dhe si është situata aktuale në Rripin e Gazës, ku edhe pse nuk janë të sulmuar aktualisht, kanë pasur pasoja të mëdha nga sulmet e mëparshme të Izraelit.
