Kandidati për kryetar të PD, Fatbardh Kadilli ka folur shkurtimisht për mediat pas përfundimit të mbledhjes së kryesisë. Kadilli tha se në mbledhje pati diskutime e debate. Ai deklaroi se se anëtarësia duhet t’i dëgjojë kandidatët në një debat të hapur, por kjo kërkesë e tij as nuk u pranua. Kadilli tha se Basha është i sfiduar nga ai personalisht për një debat publik. Sipas Kadillit, nëse do të kishte debat, sot do ishte një kryetar që të ngrinte opozitën e re. Kadilli tha se të vërtetat nuk kanë pse fshihen dhe duhet të ballafaqohen në publik.
“Ishte mbledhje me diskutime dhe debate. U përqëndrua tek kërkesat që unë paraqita. Nga 5, u miratua vetëm e para. 4 pikat e tjera nuk hapën as debat. Anëtarësia të na dëgjojë në një debat të hapur. Do ishte lehtësi dhe balancë mes forcave. Nuk u pranua. Unë do vazhdoj të këmbëngul. Basha është i sfiduar nga unë personalisht për një debat publik. Nëse do të kishim një debat do të kishim një kryetar që të ngrinte sot opozitën e re. Do ta paraqisim veten që sot, jo në 2024. Nuk ka një gjë që shqetëson PD dhe nuk shqetëson qytetarët. Skemi pse të fshehim asgjë të vërtetat tona duhet ti ballafaqojmë në sytë e publikut”, tha Kadilli.
