“Ç’janë këto ej, ej?”, debat në parlament mes Ballukut dhe Ralf Gjonit

Seanca e sotme plenare ka nisur me tone të ashpra, mes deputetit Ralf Gjoni dhe ministres së Infrastrukturës, Belinda Balluku. Në momentin që ministrja Balluku po fliste mbi projektligjin dhe sektorin minerar, deputeti Gjoni ndërhynë nga vendi, duke iu drejtuar ministres me “ej, ej, ej”. Kjo me sa duket nuk i pëlqeu Ballukut e cila iu kthye me fjalët “Ej ej, ktë çe ke ktë ej ej.”.
Gjoni më tej vazhdoi duke e pyetur se cila kompani e ka marrë për sipër ta sponsorizoj këtë projektligj.
Por kjo pyetje e Gjonit solli reagimin e ashpër të ministres balluku e cila ndër të tjera e ironizoi Gjonin duke i thënë se është edhe djalë me kulturë dhe nuk duhet të flasë kështu. “Një djalë me edukatë pse duhet të flasë me ej, mi etj etj. Mos më ndërprit je djalë me kulturë.”
“Ej ej, ktë çe ke ktë ej ej. Pyetjet retorike skaduan në fushatë elektorale. Këtë me sponsorizime e dini ju më mirë, pasi keni funksionuar me anë të sponsorizimeve. Edhe njëherë ne nuk punojmë me sponsorizime i dashur Ralf.
Ne i sjellim në komision, kemi pasur të gjithë kohën për të diskutuar për këtë projektligj, sot do të votohet. Kështu që pyetjet retorike për fushatë elektorale kanë përfunduar”- u shpreh Balluku.