Vendi jonë ka dalë nga zona e kuqe e përhapjes së SarsCOVID2, madje në spitalin infektiv nuk janë paraqitur pacientë për tu shtruar gjatë 24 orëve të fundit.
Edhe pse shifrat e COVID-19 po bëjnë disa ditë që janë ulur, stina e pranverës në vendin tonë si dhe ndryshimi i temperaturave po shoqërohet me një fluks të pacientëve të vegjël në qendrat shëndetësore dhe urgjencat e spitaleve.
Mjekët thonë se në këtë periudhë fëmijët po preken gjithnjë e më shumë nga virozat, të cilat po shfaqin simptoma të ndryshme, të ngjashme deri diku me rinitet alergjike.
Mjekja pediatre e Qendrën Shëndetësore nr2 në Tiranë, Valbona Shahinaj tregoi në “Wake Up” edhe virozat që po prekin më së shumti fëmijët.
“Fluksi është shtuar realisht, por fatmirësisht në këtë situatë nuk kemi Covid. Rastet kanë rënë goxha me Covid, por janë shtuar virozat stinore. Duke filluar me alergjitë dhe në këtë periudhë kemi pasur një virozë me diarre dhe të vjella.
Një tjetër virozë është edhe ajo me temperaturë. Ndonjëherë është edhe kombinim, bark të vjella dhe temperaturë.
Viroza do kalojë, maksimumi 3 ditë. prindërit t’i ushqejnë mirë, jo duke i mbingopur, por t’i hidratojnë. Pjesa më e madhe që janë prekur në këtë periudhë janë mosha e çerdheve dhe kopshteve”, sqaroi mjekja.
