Komisioni i Ligjeve i ka refuzuar Presidentit të Republikës kërkesën për ballafaqim që kërkoi në datën 10 maj, lidhur me nismën e dytë të maxhorancës për shkarkimin e tij. Mxhoranca ka vendosur që ky ballafaqim të bëhet ditën e nesërme, pra në datë 6 maj.
Ndërkohë që kryetari i Ligjeve Ulsi Manja ka njoftuar që i pranishëm të jetë edhe Presidenti Ilir Meta.
Kështu Komisioni i Ligjeve , me 13 vota pro dhe vetëm 1 kundër miratoi që mbledhja dhe dëgjesa e Presidentit Meta të zhvillohet me datë 6, ora 11:00.
“3 pro, 1 kundërt, asnjë abstenim, mbledhja e Komisionit të Ligjeve do të jetë nesër në orën 11:00 dhe në rend dite do të jetë edhe njoftimi i Presidentit të Republikës për t’u dëgjuar dhe shprehur në lidhje me kërkesën e një grupi prej 50 deputetësh që kanë kërkuar shkarkimin e Presidentit”, tha Manja.
Data 10 Maj e kërkuar nga Meta mund të lidhet edhe me afatin ligjor e kohor ku Parlamenti mund të ketë të drejtën e nisjes së hetimit. Presidenti kërkon që ta kalojë afatin 9 maj, si datën e fundit për nisjen e shqyrtimit të hetimit të një procedure të re hetimor për shkarkimin e presidentit.
“Brenda këtij afati, Kuvendit i mbaron mandati në 9 shtator 2021. Sot është data 5 maj, e akoma nuk ka hyrë në afatin katër muaj të mbarimit të mandatit kushtetuese. Komisioni i ligjeve është brenda të gjitha afateve për ta shqyrtuar kërkesën e 49 deputetëve kolegëve. Kuvendi do të duhet ta shqyrtoje brenda këtyre afateve që përcakton Kushtetuta dhe Rregullorja”, deklaroi kryekomisioneri Ulsi Manja në mbledhjen e komisionit të sotëm të Ligjeve. Ai ka shtuar se procedurat për shkarkimin e Metës do të ecin më shpejt se sa janë ndjekur në komisionin e mëparshëm hetimor.
