Një nga kandidatët për deputet që ngeli jashtë listave të Partisë Socialiste, ishte Ervin Bushati. Kryetari i PS-së për Tiranën, ka reaguar për herë të parë pas humbjes së mundësisë për të qenë pjesë e parlamentit. Edhe pse renditej i treti në listën e socialistëve, Bushati ishte në mesin e kandidatëve më pak të votuar. Bushati, përmes një postimi në rrjetin social “Facebook”, shkruan se ka punuar shumë dhe e kishte përgjegjësi të ishte përfaqësues i Partisë Socialiste.
“𝐓𝐄̈ 𝐏𝐔𝐍𝐎𝐉𝐌𝐄̈ 𝐏𝐄̈𝐑 𝐏𝐒
Unë si qytetar i Tiranës, i pari i kryesisë së PS Tiranës, punova fort për objektivin e Partisë Socialiste: pastër, drejtë dhe suksesshëm. PS Tiranë mori një numër rekord votash: +19,042 më shumë se në vitin 2017, falë përpjekjes sonë të përbashkët në këto dy vite bashkë.
Në cilësinë e Kryetarit të PS Tiranë ndieja se kisha përgjegjësinë për të gjithë përfaqësuesit e Partisë Socialiste Tiranë dhe u sigurova që energjia jonë të shkonte për të mirën e madhe: PS.
Falenderoj mbështetësit e mi për të gjithë energjinë dhe qytetarinë e treguar dhe ndjesë, po perseri për mbështetësit e mi, edhe si i pari socialist i Tiranës, për pritshmëritë individuale: me e rëndësishme dhe më e bukur është 𝐅𝐈𝐓𝐎𝐑𝐉𝐀 𝐄 𝐌𝐀𝐃𝐇𝐄 𝐄 𝐏𝐒! Tani na pret një punë edhe më e madhe!!! Kryetari i PS Tiranë, 𝐄𝐫𝐯𝐢𝐧 𝐁𝐮𝐬𝐡𝐚𝐭𝐢”, shkruan ai.
