Ashtu siç është thënë edhe në deklaratën e pasdites së sotme të opozitës se protesta e nesërme nuk do të ketë akte dhune, edhe një herë përmendet nga ish- presidenti Bujar Nishani.
I ftuar në Opinion, ka thënë se:- “Nuk kanë asnjë program dhune”.
Nishani ka thënë se opozita do t’i bashkohet qytetarëve për t’i udhëhequr ata.
“Është asgjësuar mundësia për të pasur zgjedhje të lira, ndaj në 16 shkurt kanë demonstruar një pakënaqësi totale por dhe dëshirën deri në rrëzimin final. Deklarata e policisë të inkriminon. Kanë tentuar të inkriminojnë aktivitetin e opozitës. Qytetarët nuk kanë asnjë program dhune, është manifestimi i kësaj pakënaqësie për t’i qëndruar përpara institucioneve legjitime. Të mos mbahen më peng. Ajo është një akt i shëmtuar ajo e policisë, Kuvendi i Shqipërisë nuk kërcënohet nga askush. Qytetarët janë të vendosur për të kthyer në legjitimitet, me qëndresë e tyre qytetare”, deklaroi Nishani.
