Nesër mbahet protesta e radhës së Partisë Demokratike dhe ditën e nesërme protesta është zhvendosur përpara parlamentit.
Nga njoftimet e bëra deri më tani njoftohet se orari i nisjes është ora 10:00 dhe pavarësisht pretendimeve për dhunë, në deklaratën e opozitës thuhet se kjo nuk do të ndodhë.
Edhe pse për nesër është lajmëruar që nuk do të ketë seancë plenare, mësohet se Garda e Republikës ka nisur rrethimin e perimetrit të Parlamentit me tela me gjemba.
Ky veprim vjen pas paralajmërimeve të Policisë së Shtetit që ka lajmëruar se ka një skenar nga protestuesit që do të tentojnë të hyjnë në Parlament.
