Kandidati demokrat, Flamur Noka ka reaguar pas zgjedhjeve të 25 prillit, duke falenderuar banorët e Kamzës, Paskuqanit, Vorës e Zallherit që e kanë votuar.
Noka i quan komisionerët, numëruesit dhe vëzhguesit e PD heronj të votës së lirë që nuk iu nënshtruan presionit dhe kurruptimit shtetëror. Ai gjithashtu ka konfirmuar përkushtimin e tij në betejën e përbashkët për demokraci
“Falenderim dhe mirënjohje pa kufi për çdo banor të Kamzës, Paskuqanit, Vorës dhe Zallherit që besoi, mbështeti dhe votoi PD dhe ndryshimin! Falenderim special nga zemra për Kamzën dhe Paskuqanin, që mbështeti si asnjëherë tjetër Partinë Demokratike!
Komisionerët, numëruesit dhe vëzhguesit tanë janë heronjtë e votës së lirë dhe qytetarët që nuk iu nënshtruan presionit dhe korruptimit shtetëror janë shpresa e këtij vendi se beteja për demokracine dhe ëndrrën për Shqipërinë si Europa mund dhe do të fitohet.
E diela ishte një sprovë e rëndësishme për ne dhe në Kamëz e Paskuqan triumfuam si njerëz të lirë. Beteja jonë e përbashkët për demokracinë do te ketë përkushtimin tim të plotë.
Mirënjohja dhe falenderimi im është i pakufishëm për secilin prej jush”, shkruan Noka.
