Kreu i KQZ-së, Ilirjan Celibashi në një deklaratë për mediat ka thënë se pjesëmarrja në zgjedhje është 46.32%. Kreu i KQZ-së ka theksua se pjesëmarrja e grave ka qenë e lartë, gjithashtu ai tregoi se është kërkuar një verifikim i pamjeve filmike nga disa subjekte politike që kërkojnë të shohin numërimin e votave.
“Tashmë që është mbyllur komplet procesi i nxjerrjes së rezultatit për 5199 qendra votimi, në lidhje me pjesëmarrjen, shifrat janë këto: Shifrat që do të jap më poshtë bazohen në tabelat e rezultateve dhe sipas tyre 46.32% nga këto, 46.7% janë gra dhe pjesa e ngelur janë burra. Ka pasur disa kërkesa nga institucione dhe subjekte për të marrë pamjet filmike të procesit të numërimit të votave. Ka kërkuar kom.1, kom2., PD, LSI gjithashtu kanë kërkuar pamjet filmike dhe të qëndrave të votimit. Po vlerësojmë kërkesat. Ka kërkuar edhe kandidati Asllan Dogjani. Këto janë për momentin infot. Problematikat kanë qenë nga më të ndryshmet. Ka patur tentativë për rivlerësim tjetër, sidomos për fletët e pavlefshme.”, ka thënë kreu i KQZ-së, Ilirjan Celibashi.
Ndër të tjera Celibashi ka deklaruar se për 37 VNV ka përfunduar procesi i numërimit të fletëve të votimit për kandidatët e zgjedhjeve të 25 prillit. Ai thotë se drejt përfundimit janë edhe 14 VNV, teksa thekson se ka pasur problematika në disa prej tyre për shkak se anëtarë të grupeve të numërimit dhe komisionerë nuk kanë ndjekur rregullat.
Ai fton kandidatët të ndihen të qetë, sepse nuk do të lejohet asnjë tentativë për të kaluar votat nga një kandidat apo tjetër pasi KQZ ka të gjitha pamjet filmike tashmë.
‘’Sipas të dhënave nga sistemi elektronik që KQZ ka, deri në 14:00 ka përfunduar për kandidatët i vlerësimti të votave, për 37 VNV, janë drejt përfundimit, për 14 VNV, në përgjithësi ky proces ka shkuar ashtu siç janë përcaktuar rregullat në kodin zgjedhor dhe në aktet të KQZ, por janë raportuar problematika në disa VNV. Anëtarët e grupeve apo komisionerë duket që nuk janë duke i ndjekur procedurat sipas përcaktimeve të Kodit Zgjedhor dhe aktet e KQZ. Kemi dërguar në këto VNV përfaqësues të KQZ< inspektorë që kanë komunikuar me anëtarët e KZAZ për qartësimet e duhura për procedurat për mënyrat e vlerësimit të fletëve të votimit.
Gjej rastin të rikonfirmoj atë që thashë, nuk do lejojmë asnjë transformim të votës nga një kandidat në tjetër, çdo tentativë është e kotë, kemi të gjitha filmimet. Kështu që dua t’i ftoj kandidatët të ndihen të qetë pasi ekzistojnë mundësitë për të verifikuar numrin e votave dhe fletët e votimit.
Këto për sa i përket fletëve të votimit për kandidatët. ‘’- tha Celibashi.
