Dy ditë më parë u dha lajmi se bashkia e Skraparit do të mbyllte kopshtet dhe shkollat dhe një qendër për fëmijët me nevoja të veçanta, pasi nuk kishte buxhet për të paguar administratën.
Pas Bashkisë së Skraparit të njëjtin vendim ka marrë edhe Bashkia e Përrenjasit për arsye se nuk është miratuar buxheti për vitin 2019.
Vetë kryetarja e Bashkisë së Përrenjasit, Miranda Rira njoftoi se situata është alarmante dhe të gjitha shërbimet janë bllokuar.
“Si pasojë e bllokimit të buxhetit, situata aktuale është alarmante pasi kopshtet dhe çerdhet nuk kanë ushqim, zyrat nuk kanë letër dhe bojë, punonjësit nuk kanë me çfarë të punojnë, të gjitha shërbimet janë të bllokuara”, tha ajo sipas “Shqiptarja.com”.
Rira deklaron se bllokimi i buxhetiti ka ardhur nga Partia Socialiste, për shkak se Bashkia e Përrenjasit drejtohet nga LSI-ja.
