Italiania “La Stampa” raporton se një shqiptar i punësuar në një kompani italiane raportohet të jetë vrarë në qytetin e njohur si Fortaleza në Brazil.
Alban Gropcaj, 28 vjeç humbi jetën, ndërsa ka mbetur i plagosur shefi i tij, një shtetas italian, i identifikaur si Guido Bertola. Sipas mediave italiane ata të dy kanë rënë pre e një grabitje.
Shqiptari dhe italiani u sulmuan në momentin që kishin dalë nga një lokal dhe po tentonin të hipnin në makinën e tyre. Disa persona me dy motorçikleta iu janë afruar dhe nën kërcënimin e armës, u kërkuan atyre paratë. Shqiptari ishte i pari që reagoi dhe refuzoi t’u jepte paratë.
Njëri prej autorëve e qëlloi me armë, duke e lënë të vdekur Kurse, italiani Guido Bertola pësoi lëndime të vogla dhe është jashtë rrezikut për jetën.
Ky i fundit është pronar i një zdrukthtarie dhe së bashku me punëtorin shqiptar besohet se kishin shkuar në Brazil për një udhëtim pune.
