Personat e vaksinuar me Johnson&Johnson kanë shfaqur simptomat e mpiksjes së gjakut pas një ose dy javësh, sipas një eksperti të Qendrave për Kontrollin dhe Parandalimin e Sëmundjeve në SHBA. Simptomat janë të ngjashme me personat që janë vaksinuar me AstraZeneca në Europë dhe Mbretërinë e Bashkuar, tha Tom Tom Shimabukuro i CDC-së.
CDC dhe Administrata Amerikane e Ushqimit dhe Barnave rekomanduan pezullimin e vaksinës Johnson & Johnson pas gjashtë rasteve të raportuara të mpiksjes së gjakut pas vaksinimit me Johnson & Johnson në Shtetet e Bashkuara. Tani janë raportuar 15 raste, tha Shimabukuro – të gjitha mes grave. Gjatë provave klinike të vaksinës vjeshtën e kaluar, një burrë pësoi mpiksje gjaku 21 ditë pas marrjes së vaksinës.
Në një deklaratë për shtyp, një zyrtar i Johnson & Johnson tha se vaksina do të shpërndahet në SHBA dhe në Europë duke thënë gjithashtu se mbron nga variantet e reja të koronavirusit.
Vaksina ruhet lehtësisht në temperatura normale të frigoriferit për tre muaj – në krahasim me Moderna dhe Pfizer, të cilat duhet të jenë të ngrira. CDC dhe Administrata Amerikane e Ushqimit dhe Barnave rekomanduan pezullimin e përdorimit të vaksinës pas gjashtë rasteve të mpiksjes së gjakut, pas vaksinimit me Johnson & Johnson në Shtetet e Bashkuara. Deri tani janë raportuar 15 raste dhe 23 viktima.
Në bazë të provave klinike vaksina ofron mbrojtje brenda një jave që nga marrja e dozës. Gjithashtu mbron nga variantet shqetësuese, përfshirë variantin B.1.351 që tani është mbizotërues në Afrikën e Jugut. Të dhënat e kompanisë kanë treguar se vaksina është 82% efektive kundër variantit afrikan.
