Debatet në distancë mes kryeministrit Rama dhe liderit të opozitës, Lulzim Basha shpesh marrin dimensione përtej politikës. Dhe kështu ka ndodhur sërish kur Basha I ftuar në emisionin “Open”, ka thënë se Rama është kthyer në satelitin e tij. Kryedemokrati u shpreh se Rama merret madje me veshjen e tij, si e fut këmishën në pantallona, merret me flokët e tij vetëm që mos t’i kthejë përgjigje pyetjes: çfarë ka bërë për shqiptarët? Basha ka thënë se në 25 prill shqiptarët do të votojnë për një kryeministër që do të jetë në shërbim të tyre. Më tej ai tha se Rama u kujtua për projketet 3D vetëm tre javët e fundit para se shqiptarët ta largojnë me votë.
Është kthyer në satelitin tim. Merret me fjalimet e mia, merret me veshjen time, si e fus unë këmishën në pantallona, merret me flokët vetëm që të mos i kthejë përgjigje pyetjes: çfarë ka bërë për shqiptarët. Në 25 prill shqiptarët do të votojnë për një kryeministër që do të jetë në shërbim të tyre. Ku i ke 300 mijë vende pune? Janë të gjitha premtime bishe. U kujtua për projektet 3D tre javët e fundit para se ta largojnë shqiptarët me votë, janë marifete”, tha lideri i opozitës.
