Një shpërthim me tritol ka tronditur Orikumin pasditen e sotme. Ngjarja ka ndodhur rreth orës 18:10 në pjesën e jashtme të banesës së shtetasit Artan Xhelilaj, i cili vuante masën e sigurisë “Arrest shtëpie”. Një sasi e vogël lëndë plasëse prej 20 gramësh është vendosur në pjesën e jashtme të apartamentit dhe ma pas ka shpërthyer, por fatmirësisht nuk ka pasur persona të lënduar. Policia njofton se si pasojë e ngjarjes ka pasur vetëm disa dëme të vogla materiale. Menjëherë kanë shkuar në vendngjarje forcat e Policisë dhe grupi hetimor është duke vazhduar punën për sqarimin e rrethanave të ngjarjes. Gjithashtu po punohet për identifikimin dhe kapjen e autorit që vendosi lëndën plasëse në pjesën e jashtme të banesës. Ende nuk dihet nëse Xhelilaj ka pasur konfliktke që mund të lidhen më dënimin e tij dhe mund të kenë çuar në shpërthimin e sotëm.
Njoftimi i plotë i policisë:
Orikum/Informacion paraprak
Më datë 12.04.2021, rreth orës 18:10, në Orikum, në pjesën e jashtme të banesës së shtetasit A.Xh, ka shpërthyer një sasi e vogël lëndë plasëse, ku si pasojë ka vetëm dëme të vogla materiale.
Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.
