Ambasadorja amerikane Yuri Kim ka konfirmuar sërish mbështetjen e Shteteve të Bashkuara të Amerikës për rReformën në Drejtësi. Gjatë fjalës së saj në aktivitetin e USAID “Drejtësi për të gjithë”, Kim u shpreh se është angazhuar personalisht për të promovuar reformën për të arritur një të ardhme më të drejtë e demokratike për shqiptarët. Kim ka thënë se mbështetja do të vazhdojë, po ashtu edhe për aspiratat që Shqipëria ka lidhru me anëtarësimin në Bashkimin Europian.
Gjithashtu aktiviteti “Drejëtsi për të gjithë” është gjithashtu një angazhim i SHBA në mbështetje të reformës.
“Më lejoni të jem e qartë: SH.B.A. e mbështet plotësisht reformën në drejtësi të Shqipërisë dhe aspiratat e anëtarësimit të saj në BE. Ne jemi me ju krah për krah. Unë jam angazhuar personalisht si përfaqësuese e Presidentit të Shteteve të Bashkuara për të bërë gjithçka që mundem për të promovuar këtë reformë si një mjet për të arritur një të ardhme më të drejtë, më demokratike dhe më të sigurt për shqiptarët. Projekti “Drejtësi për të gjithë” ka qenë njëri prej angazhimeve të shumta të SHBA-ve për të mbështetur reformën në drejtësi të Shqipërisë. Mbështetja jonë do të vazhdojë”, tha Ambasadorja Yuri Kim sot gjatë Aktivitetit të USAID “Drejtësi për të gjithë”, i cili shënoi përparimet në reformën në drejtësi.
