Kreu i Sindikatës Europiane të Kontrollorëve Ajror, Volker Dick ka bërë thirrje për lirimin e kontrollorëve shqiptarë të arrestuar. Një një intervistë për “Radarin informativ” në Abc News, Dick ka thënë se nuk është e rëndësishme nga vinnë kontrollorët e huaj, pasi ata nuk kanë licensë për të punuar në Shqipëri.
“Kam folur me Greqinë mbrëmë dhe di që nuk kanë dërguar njeri dhe guvernatori donte të detyronte disa persona të punonin në Shqipëri por nuk besoj se do të funksionojë. Pak rëndësi ka nga vijnë ata nuk kanë licencë dhe nëse nuk ke licencë nuk mund të punosh, është njëlloj si të marrësh dikë që mund të ngasë një makinë dhe tani hajde, nuk mund ta bësh” tha Dick.
Më tej kryesindikalisti ka shpjeguar edhe se licensa e kontrollorëve varet nga zona gjeografike dhe duhen 3-4 vite për ta marrë dhe çdo vit duhen kaluar aftësime të ndryshme.
“Kështu kam dëgjuar, por pak rëndësi ka nga vijnë, por këta janë kontrollorë në shtetet e tyre, licenca bazohet në zonën gjeografike, asnjë nga kontrollorët grekë dhe turq nuk kanë licencë për të punuar në Shqipëri. Për t’u bërë kontrollorë duhet 3-4 vite për licencën dhe cdo vit duhet të kalosh vlerësime të aftësisë tënde” tha ai.
Dick i ka bërë thirrje qeverisë shqiptare që të lirohen kontrollorët e arrestuar dhe ka thënë se kjo ngjarje do të jetë një problem për anëtarësimin e Shqipërisë në BE.
“Zgjidhja mund të kishte qenë përpara se të përshkallëzohej. Tani duhen plotësuar disa kërkesa, personat e arrestuar duhet të lirohen menjëherë. Kam bërë një takim me KE-në sot dhe organizatën e sigurisë ajrore dhe do të ketë hapa të mëvonshëm dhe Shqipëria është në listën për t’u bërë pjesë e BE, me këtë problematikë do të jetë problem”, është shprehur Dick.
