Situata e ndodhur në aeroportin e Rinasit ku 65 kontrollorët pezulluan punën, për shkak të pagave të shkurtuara, solli krizë në trafikun ajror. Refuzimi i kontrolluesve për të punuar është parë si grusht shteti nga qeveria. Ndërsa nga ana tjetër pas më shumë se 36 orëve të bllokimit të aeroportit, autoritete shqiptare nuk japin sqarime lidhur me të ardhurat dhe shpenzimet e kompanisë AlbControll. Duket se biznesmeni italian Beccheti ka nisur të mbledhin eurot e tij, duke ngrirë parat dhe asetet e vendit tonë nëpër botë. Lidhja mes Becchetit dhe bllokimit të aeoroportit është kompania Eurocontrol e cila ka në dorë financat e kompanisë shqiptare që ka pezulluar punimet në Rinas Albcontrol.
Ministrja e Infrastrukturës, Belinda Balluku ditën e djeshme në një prononcim për mediat u shpreh se Albcontrol është në krizë për shkak të pandemisë dhe se kompania Eurocontrol, e cila është ndërmarrja evropiane ku bënë pjesë kompania, nuk jep dot më kredi për të shlyer detyrimet më elementare, siç janë edhe pagat e kontrolluesve. Një sër pyetjesh na vinë natyrshëm kur mësojmë këtë për Eurocontrol. A po përdoret aeroporti për të lënë në harresë skandalin “Becchetti”? Pse vëmëndja po përqëndrohet te kontrollorët dhe jo aty ku vërtet është problemi, pra pse janë bllokuar fondet nga Eurocontrol?
Po japim një shpjegim të shkurter pse mund të ketë ndodhur.
Kujtojmë se jo më larg se pak ditë më parë Gjkykata Ndërkombëtare e Arbitrazhit, i vendosi shtetit shqiptar një gjobë prej 110 milionë euro për të ja paguar biznesmenit italian Francesko Becchetti për mbylljen e televizionit “Agon Channel”, me urdhër të kryeministrit Edi Rama.
Kjo gjobë që për kryeministrin është asgjë dhe që jo më larg se dje tha se “marifetçiu Beccheti bashkë me Ilirin dhe Saliun do të marrë atë që s’thuhet”, ka nisur të ekzekutohet. Duket se avokatët e biznesmenit italian, ia dolën të ngrinin 1.6 milionë euro. Nga ana tjetër, sipas lajmeve që qarkullojnë në mediat belge, kjo shumë duhet të vazhdojë të rritet, veçanërisht pas rivendosjes së udhëtimeve ajrore ndërkombëtare pas pandemisë, sipas Publik Live.
Duket se ministrja Balluku i është shmangur përgjigjes për arsyen se pse Eurocontrol nuk i jep dot më para Albcontrollit, qoftë për të shlyer pagat apo për të rritur rrogat e punonjësve.
Arsyen duket se e kemi përpara syve por po refuzojmë ta shohim , gjoba e Bechettit ka nisur të “vilet”. Goditja fatale ka nisur.
