Ministrja e Infrastrukturës, ka qenë në qendër të vëmendjes gjatë 48 orëve të fundit. Kjo për shkak të bllokimit të aeroportit “Nënë Tereza” në Rinas, aty ku 65 kontrollorët kanë dalë në protestë për plotësimin e 5 kërkesave të tyre, që janë:
– rikthim i kolegëve në punë
– shfuqizim i vendimeve të bordit
– rikthimi i pagës së plotë sipas kontratës kolektive
– transparencë financiare e plotë për vitin 2020
– një anëtar sindikate të jetë anëtar bordi
Balluku ishte ditën e djeshme në një takim me kontrollorët për të negociuar, por nuk iu ka plotësuar asnjë kërkesë, me punëtorët që me të drejtë u larguan. Më pas, qeveria shqiptare dha urdhër për arrestimin e këtyre personave, të cilët pas shumë orësh pyetjesh në Polici, po procedohen në gjendje të lirë.
Duke parë situatën ku ndodhemi, ministrja Balluku është munduar që në çdo media e televizion, të nxjerrë keq punëtorët që protestojnë për të drejtat e tyre. Belinda thotë me ironi se nuk jetojnë dot ata punëtorë me 2200 dollarë (që është 50% i pagës që kanë në kontratë), kur vetë teksa punonte si drejtoreshë e “Albcontrol”, përfitonte më shumë se 6 mijë dollarë në muaj. Për plot 6 vite, Balluku ka përfituar rreth 400 mijë dollarë si drejtoreshë e “AlbControll”. Ndoshta, as asaj nuk do i vinte mirë po t’ia përgjysmonin pagën, madje dhe t’i hiqnin kolegët e saj nga puna. Dhe, pa iu dridhur qerpiku, del “live” në një prej televizioneve më të ndjekura në Shqipëri dhe gënjen, duke thënë: “Kryetari i bordit merr 230 mijë lek. të vjetra në muaj, ndërsa anëtarët e bordit marrin 190 mijë lekë”.
Mos vallë harroi Belinda se rroga minimale në Shqipëri është 300 mijë lekë të vjetra? Kjo deklaratë e ministres së Infrastrukturës, që mund ta dëgjoni edhe në videon më poshtë, tregon se Balluku ose ka gënjyer, ose është treguar e paaftë… ose të dyja.
(Momenti kur Balluku tregon rrogat e kryetarit dhe anëtarëve të bordit – 1:12)
