Organizata Botërore e Shëndetësisë tha se ekzistonte mundësia që të ketë një lidhje midis vaksinës dhe mpiksjes së gjakut.
Duke shqyrtuar informacionet më të fundit nga rregullatorët e BE-së dhe Mbretërisë së Bashkuar ndër të tjera, OBSH tha se “një lidhje shkakësore midis vaksinës dhe mpiksjes së gjakut është e mundur por asgjë nuk është konfirmuar”.
Ditën e sotme, rregullatorët evropianë dhe britanikë njoftuan se ekzistonte një ” lidhje e mundshme ” midis vaksinës AstraZeneca dhe rasteve të rralla të mpiksjes së gjakut.
Pas pezullimit të vaksinës në disa vende, Britania e Madhe njoftoi se personat nën 30 vjeç do të zgjidhnin vetë nëse do të vaksinoheshin ose jo me AstraZeneca.
Deri më tani, kanë vdekur më shumë se 2 milion persona nga virusi famëkeq COVID-19 në të gjithë botën. Ndërsa miliona të tjerë janë të infektuar me këtë virus, e miliona të tjerë ndodhen në spitale për të marrë kurimin e nevojshëm. Dalja e disa vaksinave në treg sikur iu dha shpresë njerëzve se gjithçka mund të përfundojë shumë shpejt, por deri më tani, asnjëra prej tyre nuk ka ofruar garanci 100%.
Vaksina më e preferuar për momentin, duket ajo Pfizer, ndërsa AstraZeneca dhe Sinovac kanë marrë kritika së fundmi dhe duket se e kanë humbur dhe besimin te njerëzit.
