Vrasja e 49-vjeçares L.Xh ditën e sotme ka qenë një nga lajmet më të tmerrshme, kjo edhe për shkak të dëmtimeve dhe tre plumbave që kishte marrë. L.Xh është gjetur mëngjesin e sotëm pranë liqenit të Sharrës, ku disa dëshmitarë kanë thënë se ajo është vrarë diku tjetër dhe më vonë është transportuar me makinë aty, pasi kanë dëgjuar zhurmën e një të tille.
Mirëpo burime brenda policisë kanë thënë për Ballkanweb, se shkak kryesor i ngjarjes mund të jetë bërë një konflikt i hershëm për pronën mes L.Xh dhe kunatit të saj, D.Xh, i shpallur në kërkim si një nga autorët e dyshuar për ngjarjen. Ajo që mësohet është se konflikti e ka pikënisjen që në vitin 2008 dhe shkak kryesor janë pronat. Pikërisht në këtë vit, e ndjera ka shkuar në spital me pagë të rënda në kokë, por në deklaratën e asaj kohe ka thënë se ka rënë nga shkallët.
Më pas policia ka zbuluar konfliktin dhe vetë gruaja ka treguar se është rrahur nga kunati. Ajo ka deklaruar në polici se ai e kishte kërcënuar me armë dhe me jetën e djemve. Pas këtij episodi ajo ka marrë edhe urdhër mbrojtje.
