Brenda datës 20 prill në Shqipëri do të vijnë 20 mije doza të vaksinës Pfizer. Lajmin e ka bërë të ditur ministrja e Shëndetësisë, Ogerta Manastirliu e cila tha se informacionin e ka marrë në një nga dritaret ku është bërë aplikimi në COVAX. Gjithahstu në 23 qershor do të vijnë edhe 23 mijë doza të tjera të po kësaj vaksine. Manastirliu shkruan më tej se priten gjithashtu vaksina nga AstraZeneca dhe nga kompania turke që është distributor për vaksinën kineze të Sinovac.
“Deri më tani procesi ka ecur shumë mirë. Do të kemi deri më 20 Prill, 20 mijë vaksina nga Pfizer. Sot kemi marrë edhe një informacion për një nga dritaret që kemi aplikuar nga COVAX-i. Në qershor do kemi edhe 23 mijë vaksina të Pfizerit. Ndërkohë që presim edhe vaksinat AstraZeneca dhe gjithashtu edhe vaksinat nga kompania turke. për kalendarin tjetër të distribucionit. Sot procesi ka vazhduar në të gjithë Shkodrën”, ka thënë Manastirliu.
Në Shqipëri kanë ardhur katër lloje të vaksinave Covid-19 mes tyre Pfizer, AstraZeneca, Sputnik V dhe vaksinat kineze. Prej këtyre të fundit janë porositur 1 milionë doza, ndërsa në vend kanë mbërritur 192 të para me të cilat ka vazhduar vaksinimi masiv. Ditën e djeshme Manastirliu dha lajmin se ishte arritur shifra e 100 mijë vaksinimeve.
https://www.facebook.com/watch/?v=356593669004119
