Kryetarja e Lëvizjes Socialiste për Integrim, Monika Kryemadhi ka rishpërndarë videon e aktorit Leonardo DiCaprio lidhur me mbrojtjen e lumit Vjosa. Krahas videos ajo falenderon DiCaprio-n dhe të gjithë aktivistët në mbrojtje te natyrës dhe deklaron se edhe ajo e mbështet „Vjosa Park Kombëtar Tani
Edhe unë mbështes Vjosa Park Kombëtar Tani! Faleminderit Leonardio Di Caprio dhe të gjithë aktivistëve në mbrojtje të natyrës tonë dhe të burimeve natyrore nga duart e qeverisë. 25 Prilli është një betejë që Shqipëria të jetë shtëpi për të sotmen dhe të nesërmen e fëmijëve tanë, shkruan Kryemadhi.
Kujtojmë se me herët vieon e aktorit të njohur e ripostuan edhe kreu demokrat, Lulzim Basha dhe presidenti Ilir Meta. Ky i fundit shkruante krah videos se i është mirënjohës DiCaprios për solidarizimin frymëzues .
Aktori i njohur postoi një video ku bënte thirrje për mbrojtjen e Vjosës, lumi më i madh i egër në Europë duke thënë se është jetësor për shumë specie të ujërave të ëmbla dhe mjaft i rëndësishëm për njerëzit e zonës. Në fund DiCaprio bënte thirrje që videoja të shpërndahej nga të gjithë dhe të përmendeshin Edi Rama, Lulzim Basha, Ilir Meta e Monika Kryemadhi në mënyrë që të kishin një reagim. Deri tani i vetmi që nuk ka reaguar është kryeministri Rama.
