Kreu i Partisë demokratike, Lulzim Basha, pritet që të zhvilloj ditën e sotme një takim me qytetarët në Fier. Mbështetësit e PD-së, i kanë siguruar një pritje entuziaste duke e pritur në rreth rrotullimin e Kolonjës.Me flamujt kuq e zi dhe ata identifikues të Partisë Demokratike, mbështetësit e kanë mirpritur kryedemokratin në rrugë.
Më pas mbështetësit e kanë shoqëruar Bashën në rrugë, teksa ai është ndalur disa minuta ku edhe i ka përshëndetur. Vargje të gjata me makina dhe persona që e shoqëronin gjatë rrugës për në qytetin e Fierit. Gjithashtu një banderolë e madhe “Mirësevjen Kryeministri Basha” është vendosur në qendër të Fierit.“Rrugës për Fier, pritje entuziaste nga qytetarët në rreth rrotullimin e Kolonjës #ShqipëriaFITON”, shkruan Basha në rrjetet sociale.
Kujtojmë se ditën e djeshme, Partia Demokratike e anuloj takimin elektoral në këtë qytet, për shkak të ndarjes nga jeta të ish-kryeministrit Bashkim Fino.
Pas dy vitesh shkëputje, Partia Demokratike me në krye Lulzim Bashën, do të jetë pjesëmarrëse në zgjedhjet e 25 Prillit.
Çelja e fushatës elektorale u bë që prej datës 25 mars. Dy tubimet e dy partive krysore u zhvilluan në dy sheshet kryesore në kete qytet.
Mitingu i PD u zhvillua në sheshin “Nënë Tereza”, ndërsa takimi elektoral i Partisë Socialiste u zhvillua në sheshin “Skënderbej”.
