Një nga zyrat elektorale të Partisë Socialiste, në qendër të qytetit të Beratit, është goditur me sende të forta ditën e sotme. Bëhet fjalë për zyrat e PS-së që ndodhen në lagjen “30 vjetori”, të pozicionuara në anë të rrugës kryesore të qytetit. Mësohet se zyra është goditur me gur. Thyerja e kësaj zyre është konstatuar rrethë orës 07:30 të mëngjesit dhe pas konsatimit është njoftuar policia e rrethit Berat.
Pasi kanë mbërritur në vendngjarje, ekspertët janë duke kryer veprimet përkatëse, ndërkohë që është gjetur edhe guri me të cilin është goditur dera kryesore e kësaj zyre. Nuk dihet ende nëse thyerja e derës së jashtme të kësaj zyre, është bërë në mënyrë të qëllimshme apo është thyer nga ndonjë person i dehur gjatë natës. Ndërkohë që policia është duke sekuestruar edhe kamerat e sigurisë së bizneseve përreth, për të identifikuar personin që ka goditur me gur zyrën. Nuk ka ende një reagim për mediat nga ana e drejtuesve të Partisë Socialiste të Beratit, lidhur me këtë ngjarje.
Kujtojmë se pak ditë më parë, e njëjta ngjarje ka ndodhur edhe në qytetin e Fierit ku janë goditur me sende të forta zyrat e Partisë Socialiste ddhe Partisë për Drejtësi, Integrim dhe Unitet.
Aljosh Doko, bashkkryetar i shtabit elektoral socialist të lagjes “1 maji” ,akuzon për ngjarjen kundërshtarët politikë, ndërsa mohon që PS të jetë përfshirë në thyrjen e xhamave të PDIU-së.
Nisur pikërisht nga klima e ngarkuar politike e shoqëruar edhe me incidente të shumta, KQZ i bëri thirrje pak ditë më parë subjekteve zgjedhore për vetëpërmbajtje.
