Kreu i Partisë Demokratike, Lulzim Basha ka qenë në familjen e Arjan Salës, 33-vjeçari i cili humbi jetën heroikisht mes flakëve të magazinës së “Casa Italia” për të shpëtuar kolegët e tij.
Burime nga familja bëjnë me dije se Basha ka qenë për vizitë dy ditë më parë, sapo trupi i të riut u gjet nga forcat e zjarrfikëses, i cili kishte tentuar të largohej nga magazina në flakë nëpërmjet shkallëve të emergjencës. Gjithsesi Basha ka preferuar të mos e bëjë mediatike vizitën e dy ditëve më parë, ndërsa lajmi është mësuar vetëm sot.
Arjan Sala humbi jetën në magazinën e “Casa Italia” duke u përpjekur të shuante flakët e të shpëtonte kolegët. Ai punonte prej vitesh si shef sigurie në qendrën tregtare, ndërsa trupi i tij u gjet ditën e djeshme, 3 ditë ps zjarrit që i mori jetën. Nga ekseprtiza paraprake u zbulua se i riu ka qëndruar 24 orë gjallë, por ndërroi jetë prej asfiksisë.
Familjarët i bën vazhdimisht zjarrfikësve dhe institucioneve për të ndërhyrë që të gjenin trupin e të riut, në magazinën ku temperature shkoi thuajse në 1000 gradë Celsius. Salajt iu dha tituli “Dëshmor i Atdheut”, ndërsa për ngushëllim në familjen e tij shkuan edhe kryeministri Rama dhe presidenti Ilir Meta.
