Mes personave që morën sot vaksinën kineze kundër COVID-19, ishte edhe ish-Sekretari i Parë i Partisë së Punës të Shqipërisë. Muho Asllani ka qenë falenderues për faktin që po e mbajnë akoma gjallë dhe ka thënë se në çdo aksion ka qenë i pari dhe ashtu ishte edhe në aksionin e vaksinës.
“Faleminderit shumë që po më mbani gjallë akoma. Jam 84 vjeç. Jam Muho Asllan Asllani. Kam qenë sekretar i parë i PPSH-së. Në çdo aksion kam qenë pari dhe thashë do jem i parë në aksionin e vaksinës. Me kinezët kemi pasur marrëdhënie të mira. Kur u prishëm me BS, Kina na ndërtoi objektet që futëm njerëzit në punë. Bëmë objektet për t’u mbrojtur nga armiku i dukshëm”, ka thënë ai për ABC News.
Më tej Asllani tha se kinezët kanë vënë dorën në zemër dhe duan ta ndihmojnë sërish Shqipërinë. Ai u shpreh se Edi Rama bëri shumë mirë që përmirësoi marrëdhëniet me Kinën. Edhe pse vaksina kineze nuk u dha falas, ai tha se 10 dollarë nuk janë shumë dhe se i paguan shteti.
Pasi u bënë analizat u binda që kinezët kanë vënë dorën në zemër dhe duan të na ndihmojnë përsëri. Edi Rama bëri shumë mirë që i përmirësoi marrëdhëniet edhe me Kinën, edhe me shtetet e tjera të perëndimit që na ndihmuan. A ka më mirë more. 100 shtete na dhanë ndihmë për pasojat e tërmetit. A ka më mirë që shumë shtete na ndihmojnë me vaksina pa pare. Këtë kinezen, Edi tha se i mori me pare. Sa janë 10 dollarë. Një gjilpërë. Dikur i kemi bërë pa pare sot i paguan shteti”, ka thënë Asllani.
