Futbollisti i Kombëtares, Marash Kumbulla nuk do të jetë i gatshëm për kuqezinjtë në dy ndeshjet e radhës ndaj Anglisë dhe San Marinos, të vlefshme për eliminatore e Botërorit “Katar 2022”.
Zyra e shtypit në FSHF bën me dije se mbrojtësi do të humbasë dy sfidat për shkak të një shqetësimi në gju, që do ta pengojë të jetë në fushë me përfaqësuesen shqiptare. Lojtari iu nënshtrua të premten testeve mjekësore dhe pas konsultave me doktorët u vendos që Kumbulla të kthehet të dielën në Itali te klubi i tij AS Roma, për të vijuar me fazën e rikuperimit.
Më herët gjatë ditës tekniku italian, Edi Reja se do te jetë një ndeshje e vështirë ajo përballë Anglisë, por sipas tij kuqezinjtë do të përpiqen të mbajnë në tension Anglinë, për të shpresuar më pas në një rezultat pozitiv. Për mungesën e Kumbullës ai tha se ne kemi zgjedhje të tjera. Përveç Kumbullës, kemi Gjimshitin, Ismajlin dhe Veselin, i cili ka luajtur në qendër edhe te Salernitana. Mendoj se në qendër do të luajë Gjimshiti, për mënyrën se si luan. Mendoj se mund të neutralizojë Kejnin. Nuk do ketë shumë ndikimi mungesa e Kumbullës, pasi kemi lojtarë të mirë për në mbrojtje. Nuk donim ta rrezikonim Kumbullën dhe vendosëm që të largohet nga nesër.
