Gjykata e Fierit ka dhënë masën e sigurisë “arrest me burg” për Albert Zajen, i cili u arrestuar si i dyshuar për vrasjen e Shkëlzen Kastratit.
Zaja ishte një nga 4 personat e shpallur në kërkim për vrasjen që ndodhi më 1 shkurt të këtij viti në Sheq të Madh u arrestua dy ditë më parë.
Ai u arrestua të dielën në Nikël të Fushë Krujës ndërkohë në kërkim për vrasjen e Kastratit janë edhe Elmir Tufa, 29 vjeç, Elson Xhecuka 27 vjeç dhe Silvio Cara 39 vjeç.
Si ndodhi ngjarja?
Shkëlzen Kastrati ekzekutua me dy plumba, njërin prej tyre në kokë, paraditen e 1 shkurtit, në fshatin Sheq në Fier brenda makinës së tij. Ai ka qenë në lëvizje me makinë, është qëlluar nga një person nga një makinë tip ‘Range Rover’. Kastrati ka ecur disa metra duke u përplasur me një makinë tjetër që po kalonte aty.Të gjitha hetimet janë përqendruar tek hakmarrja, për shkak të së kaluarës së tij dhe të vëllait.
Pse grupi hetimor ka dyshime për një hakmarrje?
5 vite më parë është tentuar të vritet në atentat Klemend Kastrati, vëllai i Shkëlzenit. Nga ajo ngjarje humbi jetën Denis Kasaj nga Vlora, kurse Klemendi u plagos. Eliminimi i tij ishte për hakmarrje pasi nga hetimet e kryera në atë kohë ka rezultuar se Klemend Kastrati ishte i implikuar në një plagosje të vitit 2008, për shkak të një sherri makinash, por ai u dyshua dhe për një vrasje të ndodhur në vitin 2012. Shkëlzen Kastrati u ekzekutua kohën kur po shkonte në lokalin e tij në Sheq, lëvizje që e kryente çdo ditë.
