Një tjetër humbje është shënuar nga covid-19. Ka ndërruar jetë në moshë te re mësuesja nga Mirdita. Bëhet fjalë për 41 vjeçaren Manjola Nikolli.
41-vjeçarja, nëna e një vajze dhe një djali me profesion mësuese ishte e shtruar në një nga spitalet Covid në kryeqytet, ku edhe ka ndërruar jetë.
Arsimtarë, artistë, bluzat e bardha nuk janë kursyer nga kjo sëmundje e rëndë.
Ndërkohë në bilancin e bërë ditën e djeshme nga Ministria e Shëndetësisë u raportua për 4 viktima dhe 659 raste të reja me Covid.
Kujtojmë se së fundmi kanë ndërruar jetë edhe shumë persona të tjerë. Dy ditë më parë humbi jetën nga coronavirusi mjekja endokrinologe, Varvara Lile. Lajmi është bërë i ditur nga djali i të ndjerës me anë të një mesazhi në rrjetet sociale.
Mjekja e prekur me Covid-19, prej ditësh ishte në gjendje të rënduar shëndetësore.
Pesë ditë më parë të afërmit e saj bënë apel në rrjetet sociale, duke kërkuar dhurues gjaku, pasi mjekja kishte grupin “0+” dhe ishte e vështirë për tu gjetur.
Kujtojmë dhe rastin e infermieres nga Lushnja, e cila po njësoj humbi betejën me Covid-19.
Nurie Bace ishte infermierja nga Lushnja që ndërroi jetë në moshën 59-vjeçare si pasojë e infektimit me COVID. Lajmin u bë i ditur nga Urdhdhri i Infermierve ndërsa shkruan se e ndjera i ka shërbyer pacientëve me profesionalizëm.
