Njerëzit mund të kenë nevojë të vendosin maska dhe të mbajnë distancë sociale për disa vjet derisa të kthehemi në normalitet, ka parashikuar një epidemiologe në Britani..
Mary Ramsay, shefja e imunizimit në Shëndetin Publik Angli, tha se masat themelore mund të qëndrojnë në fuqi derisa vendet e tjera të nisin me sukses vaksinimin. Ajo gjithashtu tha që kthimi i ngjarjeve të mëdha me spektatorë kërkonte monitorim të kujdesshëm dhe udhëzime të qarta për të qëndruar të sigurt.
Dr Ramsay tha se kufizime të tilla si mbulimi i fytyrës në vende të mbushura me njerëz dhe distancimi social janë pranuar tashmë nga shumë njerëz dhe sërish lejuan që ekonomia të funksiononte.
Ajo tha se “njerëzit janë mësuar me kufizimet e nivelit më të ulët tani, dhe mund të jetojnë me to, dhe ekonomia mund të vazhdojë ende me ato kufizime më pak të forta”.
“Kështu që unë mendoj se sigurisht për disa vjet, të paktën derisa pjesët e tjera të botës të vaksinohen, dhe numrat të kenë rënë kudo, kjo do jetë deri kur ne mund të jemi në gjendje të shkojmë shumë gradualisht në një situatë normale”, shtoi ajo.
Duke paralajmëruar se ishte “shumë e rëndësishme që të mos relaksohemi shumë shpejt”, Dr Ramsay tha se çdo virus që qarkullon do të zgjedhë në mënyrë të pashmangshme ata që janë të prekshëm.
“Ne duhet të shohim me shumë kujdes para se të hiqet ndonjë prej këtyre kufizimeve,” tha ajo.
