Organizata Botërore e shëndetësisë ka ngritur alarmin për vendet e Ballkanit. Sipas ekspertëve, Evropa Qëndrore dhe veçanërisht Ballkani do të përballen me një valë të fortë infektimesh.
OBSH deklaroi se numri i të shtruarve në spital dhe vdekjeve është ndër më të lartat në botë.
Situata aktuale është “më akute në pjesë të rajonit që ishin të suksesshëm në kontrollimin e virusit në gjashtë muajt e parë të vitit 2020. Bëhet fjalë për Europën Qendrore, Ballkanin dhe vendet Balltike ku rastet e reja, shtrimet në spital dhe vdekjet janë tani midis niveleve më të larta në botë”, më i larti në botë “, tha drejtori i OBSH-së në Europë, Hans Kluge.
Kluge vuri në dukje se incidenca e rasteve në rajon “vazhdon trendin e saj rritës”. Tani kemi parë tre javë rresht rritje të rasteve me Covid-19, me mbi 1.2 milionë raste të reja të raportuara javën e kaluar në të gjithë Europën.”
Rajoni europian i OBSH-së përfshin 53 vende, si dhe Rusinë dhe disa shtete të Azisë Qendrore.
Ndërsa shumë vende rreth Europës janë aktualisht nën “një bllokim të pjesshëm ose të plotë”, disa të tjera po lehtësojnë gradualisht kufizimet e tyre”.
“Disa po e bëjnë këtë bazuar në supozimin se rritja e marrjes së vaksinimit do të çonte menjëherë në një gjendje të përmirësuar epidemiologjike. Supozime të tilla janë shumë herët për t’u bërë. Le të mos ketë asnjë dyshim për këtë, vaksinimi në vetvete nuk zëvendëson shëndetin publik dhe masat sociale”, tha Kluge.
