Edhe sot në 8 mars rastet e dhunës nuk kanë munguar. Sipas raporteve të policisë vetëm në këtë ditë, 10 gra kanë denoncuar se partnerët e tyre kanë ushtruar dhunë.
Tre prej grave të dhunuara që kanë kërkuar urdhër-mbrojtje kanë qenë në kryeqytet, ndërsa 7 të tjera në rrethe. Një prej femrave që ka kërkuar urdhër-mbrojtje është dhunuar nga bashkëshorti për faktin se i kërkoi që të festonte 8 Marsin.
Nga ajo që mësojmë nga raportet e policisë është se që prej fillimit të vitit deri më tani, kanë marrë urdhër të menjëhershëm mbrojtjeje, plotë 428 gra.
Ndërsa në vitin që lamë pas, 3690 gra dhe vajza kanë rënë pre e dhunës. Por më tragjike është krimi në familje. Në 2 muajt e parë të 2019, 8 gra kanë mbetur të vrara nga bashkëshortët apo familjarët e tyre.
Me gjithë statistikat e përmendura më lartë tregohet vetëm diçka, ne si shoqëri kemi akoma shumë punë për të bërë për të arritur deri aty sa 8 marsin ta shohim si ditën kur kërkohen të drejtat e femrave dhe luftohet përditë për to.
