Europa duket se po përballet me një valë të dytë infektimesh pasi shumë shtete po regjistrojnë shifra shumë të larta rastesh të reja dhe vdekjesh.
Në lidhje me këtë kreu i shërbimit të urgjencës i OSHBE-së, Michael Ryan, u tha autoriteteve për të vendosur kontaktet në izolim pasi personat që kanë hyrë në kontakt me një të infektuar nuk janë vendosur në karantinë për një periudhë të saktë.
“Nëse do të kisha të drejtë për një dëshirë, në mënyrë që të përmirësoja vetëm një gjë që ne të mund ta rregullojmë dhe ta ndryshojmë situatën, do të ishte të sigurohesh që çdo individ që ka qenë në kontakt me një rast të konfirmuar COVID të jetë në karantinë, me qëllim për të thyer zinxhirin e transmetimit. Unë nuk mendoj se është bërë në një mënyrë sistematike, dhe kjo është një nga arsyet kryesore që ne shohim shifra kaq të larta”- u shpreh Michael Ryan në një konferencë për shtyp në Gjenevë.
Sipas OBSH-së dhe pse njerëzit mund të jenë lodhur nga kjo situatë duhet të kenë të qartë se virusi ka dëshmuar se sa herë e ulim kujdesin ai rikthehet me shpejtësi marramëndese. Nëse bëhen zgjidhje inteligjente, atëherë kjo do të jetë një garanci për shërbimet shëndetësore dhe fëmijët do të vazhdojnë të shkojnë në shkollë.
