7 viktima e dhjetëra të plagosur në Greqi, ja se çfarë la pas stuhia shkatërrimtare

Google+ Pinterest LinkedIn Tumblr +

Për shkak të stuhive të ndodhura mbrëmjen e djeshme në Greqi, dëmet janë pallogaritshme. Deri tani ka shkuar në shtatë numri i viktimave, e ndërsa dhjetëra të tjerë rezultojnë të plagosur me fraktura të ndryshme.

Viktima e shtatë ende nuk është identifikuar, ndaj edhe mendohet se është një pëshkatar i cili është shpallur i zhdukur që pasditen e djeshme.

Viktimat e tjera janë turistë. Ata humbën jetën pasi kishin shkuar me pushime në Halkidiki.

Mes personave që kanë humbur jetën është dhe një fëmijë 8-vjeçar nga Rumania, që ndodhej në Greqi për pushime së bashku me familjen e tij. Po ashtu një 54-vjeçare nga Rumania ka humbur jetën, po mbetet ende e pakonfirmuar nëse ka lidhje familjare me fëmijën 8-vjeçar.

Kushtet ekstreme të motit kanë lënë nga mbrapa dëme të shumta edhe në rrjetin hekurudhor e sistemin elektrik. Theksohet në mediat greke se shërbimi zjarrfikës është në terren që nga mbrëmja e djeshme për të dhënë ndihmën e parë kundrejt çdo qytetari të dëmtuar.

Dje, të gjitha spitalet dhe qendrat shëndetësore në Greqinë Veriore, kanë qenë në gjendje gadishmërie për t’i dhënë ndihmën e parë çdo qytetari në nevojë.

Shpërndaje
Share.

Komento