Ditën e sotme kryetarja e Lëvizjes Socialiste për integrim Monika Kryemadhi gjatë një konference për shtyp me gazetarët, ka sjellë fakte të reja të pa publikuara më parë në lidhje me aferën e inceneratorëve. Ajo bëri me dije se këto dokumenta të poseduara nga ajo përbëjnë një padi e cila dio t’i dorëzohet SPak. Kryemadhi shtoi se do të ketë dokumente autentike. Më parë LSI ka dorëzuar edhe padi të tjera në lidhje me këtë skemë të madhe korruptive ku janë të përfshirë disa ish-zyrtarë të larëtë të PS, disa prej të cilëve ndodhen prapa hekurave.
“Sot jam këtu për të ndihmuar SPAK, kam bërë gati shtesë padie për të informuar me dokumente të reja autentike e të faktuara që ndihmojnë SPAK për inceneratorin e Tiranës, llokma më e madhe e kësaj afere korruptive që nuk është e vetmja, por është rasti më flagrant kur qeveria e Kryeministri janë kapur me presh në dorë.
Pjesa më e madhe e këtyre kompanive, për arsye se me këto kompani unë do tregohem pak diskrete sepse do çohen në SPAK. Kompanitë fiktive shkëmbejnë fatura me njëra-tjetrën. Kompanitë e verdha inceneratori, ato jeshile kompanitë që kanë fituar punë publike. Në këto kompani funksionojnë blerjet fiktive tek ushqimet, uji i pijshëm, mund të jenë 8 milionë dollarë ujë i pijshëm, 6-7 milionë dollarë fruta ekzotike. Janë fatura nën 3 milionë lekë që lëvizja të mos bëhet nëpërmjet llogarive bankare”, tha Kryemadhi.
