Një aksident automobilistik ka ndodhur pasditen e sotme në aksin rrugor Këlcyrë-Dragot, në vendin e quajtur “Fusha e Dragotit”, ku për pasojë ka mbetur i plagosur një 64-vjeçar.
Duket se drejtuesi i kamionit ka humbur kontrollin mbi mjetin dhe si rezultat, kamioni ka dalë jashtë rrugës.
I plagosuri u transportua për ndihmë mjekësore në spitalin e Tepelenës. Ndërkohë, grupi hetimor vazhdon punën për të sqaruar plotësisht rrethanat që çuan në këtë ngjarje të rrugës.
Faktorë si infrastruktura të dobëta, mënyra e udhëtimit, respektimi i rregullave të trafikut dhe sjellja e drejtuesve të makinave kanë ndikuar në shifrat e larta të aksidenteve rrugore në vendin tonë. Gjithashtu një fluks i madh makinash në akset e vendit si rrjedhojë e hyrje-daljeve të emigrantëve që kalojnë pushimet në Shqipëri. Policia apelon që të tregohet kujdes dhe të rrespektohen rregullat e qarkullimit rrugor.
Njoftimi i policisë:
Përmet/Informacion paraprak
Rreth orës 18:00, në aksin rrugor “Këlcyrë-Dragot”, në vendin e quajtur “Fusha e Dragotit”, shtetasi E. D., 64 vjeç, ka humbur kontrollin mbi drejtimin e automjetit kamion, dhe për pasojë ky automjet ka dalë jashtë rruge.
Nga aksidenti, është dëmtuar 64-vjeçari, i cili u dërgua për ndihmë mjekësore, në spitalin e Tepelenës.
Grupi hetimor vijon punën për sqarimin e plotë të rrethanave të këtij aksidenti.
