Koronavirusi ka mbërthyer vendin tonë, pasi çdo ditë regjistrohen shifra të larta rastesh të reja pozitive por edhe humbjesh jete.
Ditën e sotme Ministria e Shëndetësisë njoftoi se janë kryer 2,384 testime, prej të cilave 520 janë testime janë kryer për arsye depistimi dhe kanë rezultuar pozitivë me virusin SARS COV2, 507 qytetarë.
Për shkak të rritjes së të infektuarve Gjykata e Beratit ka vendosur reduktimin e punës në këtë institucion deri në marrjen e përgjigjeve të tamponëve që kanë kryer gjashtë punonjësit e kësaj gjykate,përfshi këtu gjyqtarë, sekretare,avokat,punonjës administrate etj.
Duke filluar që nesër,Gjykata e Beratit do të funksionojë vetëm për shqyrtimin e kërkesave me karakter urgjent, sipas Vendimit të KLGJ-së.
Reduktimi i punës së Gjykatës së Beratit u ndërmor për të shmangur përhapjen e virusit Covid-19. Pas një mbledhjeje të jashtëzakonshme të zhvilluar sot,pasi u shqyrtua situata lidhur me faktin e vetëizolimit të 6 punonjësve të kësaj gjykate,në pritje të testimit për shkak të pandemisë, Gjykata e Beratit vendosi: 1.Reduktimin e veprimtarisë gjyqësore për një periudhë të pacaktuar,duke gjykuar gjatë kësaj periudhe vetë çështje të karakterit urgjent, masat e sigurisë, çështjet civile ku kërkohet detyrimi ushqimor për fëmijët e mitur dhe çështjet në fazën e hetimeve paraprake që kërkojnë pushimin e gjykimit.
