Qindra besimtarë ortodoksë kanë kremtuar sot “Ditën e Ujit të Bekuar”, ose siç njihet ndryshe Dita e Kryqit.
Siç është traditë prej shumë vitesh, besimtarët pasi shkojnë në kishë, kthen dhe hedhin një kryq në ujë, e më pas disa qytetarë sfidojnë të ftohtin dhe hidhen për të marrë kryqin.
Sot kjo ditë është kremtuar në Korçë, Sarandë, Gjirokastër, Berat dhe Fier.
Po pse është e rëndësishme kjo ditë për besimtarët ortodoksë?
Zanafilla e kësaj ditë ka të bëjë me shfaqjen e Krishtit mbi ujërat e lumit Jordan, që të pagëzohet nga Joani Pararendësi dhe Pagëzor.
Për besimtarët uji i bekuar është mjet pastrimi i shpirtit të mëkatarit ndaj dhe çdo datë 6 janar besimtarët ortodokse bëhen pjesë e ritualit të Ditës së Ujit të Bekuar.
Mirëpo, në vendin tonë kjo festë rifilloi të kremtohej vetëm pas viteve ’90-të, pasi gjatë sistemit komunist ajo konsiderohej një festë e ndaluar.
