Ka rënë sërish numri i të infektuarve në vendin tonë, pasi Ministria e Shëndetësisë njofton se gjatë 24 orëve të fundit janë regjistruar 6 raste të reja, duke e çuar në 795 numrin total të të prekurve.
Në Krujë dhe Kurbin janë zbuluar 5 raste të reja dhe në Tiranë 1 rast i ri.
Gjithashtu, numri total i të shëruarve ka shkuar në 531, pra 67% e të prekurve, teksa edhe Fieri rezulton si zonë me risk të ulët.
Aktualisht në vendin tonë 233 janë persona aktivë me Covid-19 dhe siç shihet numri i të shëruarve është më i lartë dhe kjo tendencë tashmë vazhdon të jetë e qëndrueshme.
Pjesa më e madhe e rasteve aktive po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” janë të shtruar 33 pacientë dhe vetëm 7 prej tyre janë në terapi intensive.
Aktualisht, Kruja është zona me numrin më të lartë të rasteve aktive ndjekur nga Tirana dhe Kurbini.
Shpërndarja gjeografike e rasteve aktive, është si vijon:
Krujë 91
Tiranë 90
Kurbin 20
Shkodër 17
Kukës 5
Elbasan 2
Mirditë 2
Berat 2
Korçë 1
Lezhë 1
Lushnje 1
Mat 1
https://www.facebook.com/OgertaManastirliu/videos/978921279193312/
