Më 30 dhjetor Kuvendi i Shqipërisë iu drejtua për ‘ndihmë’ Komisionit të Venecias dhe letra e Kuvendit, firmosur nga kryeparlamentari Gramoz Ruçi, shtronte disa çështje kryesore, si : Gjykata Kushtetuese dhe procedurat e emërimit të anëtarëve të saj, roli i Presidentit, Këshilli i Emërimeve në Drejtësi dhe përzgjedhja e kandidaturave për plotësimin e vakancave në Gjykatën Kushtetuese.
Në letër thuhet se më 5 dhjetor “Kuvendi ka zgjeruar objektin e hetimit” të komisionit hetimor për shkarkimin e Presidentit të Republikës dhe “afatin e veprimtarisë së tij, nisur nga një kërkesë e re e një grupi deputetësh për të shtuar në procesin hetimor dhe disa akte dhe veprime të tjera të Presidentit në lidhje me emërimin e gjyqtarëve kushtetues ndodhur në nëntor të këtij viti, për të cilat kërkuesit çmojnë se Presidenti ka kryer shkelje të detyrimeve kushtetuese dhe përbëjnë shkak për shkarkimin e tij”.
Zbardhet letra e Kuvendit për Komisionin e Venecias. Kërkohet hetim për Metën dhe drejtohen 6 pyetje
Me 2 shkurt delegacioni i Komisionit të Venecias mbërriti në Tiranë, për të shqyrtuar situatën dhe zhvilluan takime me zyrtarë të lartë nga të dyja palët.
Mbërrin në Tiranë Komisioni i Venecias, zbardhet axhenda e takimeve
Tashmë, pas rreth një muaji, në fundjavë pritet të mbërrijë opinioni paraprak i Komisionit të Venecias për emërimet në Gjykatën Kushtetuese, por një pjesë e përfundimeve është mësuar para mbërritjes së tyre.
ABC News ka mësuar se në opinionin paraprak të Komisionit të Venecias thuhet se mënyra e interpretimit të Kushtetutës, nga Presidenti dhe zyra e tij, është në përputhje të plotë me Kushtetutën, duke vlerësuar se Presidenti Meta ka vepruar sipas gërmës dhe logjikës kushtetuese.
“Duke qenë se presidenti ka vepruar në përputhje me Kushtetutën nuk ka vend për shkarkimin e tij”, thuhet në paragrafin 104 të draft opinionit të Komisionit të Venecias.
Megjithatë ky vendim do njihet zyrtarisht në fundjavë, teksa pritet t’i japet zgjidhje debatit për Kushtetuesen mes Kreut të Shtetit dhe mazhorancës, ndërsa në fund të muajit mars, do mbërrijë edhe dokumentin përfundimtar për t’u interpretuar nga palët e përfshira në këtë proces.
