Kolegji i Posaçëm i Apelimit ka lënë në fuqi vendimin e KPK-së, për shkarkimin e gjyqtarit të Apelit të Korçës, Sotiraq Lubonja.
Sipas “Dosja.al”, Lubonja ishte kandidat për Këshillin e Emërimeve në Drejtësi, por u shkarkua pasi nuk justifikonte pasurinë.
Seanca ndaj tij në Komisionin e Pavarur të Kualifikimit, u mbajt më 8 tetor.
Për një pjesë të pasurisë, gjyqtari deklaroi se ia kishin bërë dhuratë nëna dhe vjehrri i tij.
Konkretisht, Lubonja tha se nëna e tij kishte kursyer 4 milion lek të reja nga pensioni, ndërsa vjehrri i kishte dhënë 25 mijë dollarë.
Gjyqtari nuk ka pranuar asnjë nga akuzat, duke pretenduar se pasuria e tij është e ligjshme.
